بسم الله الرحمن الرحيم
اول شىء احب ان اسجل اعجابى الشديد بهذا المجهود الرائع لهذا المنتدى الجميل
ثانيا عندى بعض الاستفسارات اخوانى ارجوكم افيدونى فيها
اولا وهو سؤال بجد المفروض ميتسألش ولكنى سوف اسأله لانى احسست بالامان منكم فى هذا المنتدى
السؤال هو
بجد بجد الموضوع ده حقيقى؟
موضوع الربح من الانترنت
اعرف انه سؤال غبى ولكنى اريد ان يطمئن قلبى منكم ارجوكم
يعنى هل فى حد فعلا استلم ولو حتى خمسة جنيه مصرى ارجو منكم مصارحتى بهذا
لاننى كلما اتخيل الموضوع اننى ممكن ان اربح مال وفير من لا شىء لا اصدق عقلى
وقولت لاصحابى الكلام ده واحد قالى هى الحداية بتحدف كتاكيت والتانى قالى ماكانش حد غلب والتالت قالى اجرى العب بعيد انا باتكلم بجد مبهزرش قالولى الكلام ده حرفيا لذا اردت ان اسالكم عن هذا هل بالفعل هذا المجال يمكن ان اجمع منه مبلغ محترم كل اول شهر؟؟؟
السؤال التانى
طيب اذا الكلام ده صح طيب بجد ازاى اضمن انى بالفعل هيخشلى مبلغ محترم ولو حتى مئة جنيه كل شهر هل بالفعل اننى لابد ان اجذب اكبر قدر ممكن من المشتركين طيب ولو معرفتش وطلعوا زى اصحابى واكتفيت انى اسجل فى المواقع واعتمد يوميا على جهدى الذاتى هل سوف احقق فى هذه الحاله نتيجة معقولة الى حد ما ولو 100 جنيه حتى
وانا اقصد بالمال هنا فلوس فى ايدى شايفها بعينى
السؤال الثالث
طيب افرض انى قولت لنفسى خليك زكى وبدات اعمل انا يوزرات كتير فى الموقع الواحد وبقيت اخش على ده واطلع واخش تانى باسم مختلف ايه اللى ممكن يحصل ساعتها من الموقع
السؤال الرابع
طيب لو كان الموقع هيكتشف الخدعة بسهولة وهيقولى كل سنه وانت طيب جميل
افرض بقه واحد من اللى انا داعيهم هو اللى دخل وحب يستذكى عليه زى منا عملت وكسفه هل سوف يعاقبنى او يلغى حسابى لاننى من احضرته ام انه سيكتفى بعقابه هو وفى هذه الحالة ما مصير المبلغ الذى جنيته منه ولو حتى سنت واحد ...هل سيخصم منى نتيجة الغاء حسابه ام ان حسابى منفصل؟
السؤال الخامس ؟
طيب يا جماعة لو انا فى ماسك سايبر وعندى عشر اجهزة مختلفة هل يمكن ان اقوم بفتح حساب لكل جهاز واتابع يوميا الاعلانات لكل جهاز..هل سوف يتم عمل حساب خاص لكل منهم ام انه سوف يقول لى كل سنة وانت طيب ويلغى جميع الحسابات نتيجة تشابه اى بى النت الذى قمت بالدخول منه للاجهزه لانه طبعا اى بى واحد لذا سيعتبرنى شخص واحد غشاش وسوف يعاقبنى؟
السؤال السادس والاخير؟
طيب لو بالفعل كل اللى فات ده عدا ولقيت فعلا حسابى فى alertpay وصل 30 دولار مثلا وعايز اشوف اى حاجه منهم بعينى اعمل ايه وخصوصا اننى قرات موضوع للاخ العزيز Sembawy عن اننى لابد ان اراسله او حساب بنكى شىء من هذا القبيل ولكنى لم افهم شيئا ليس لعيبا فى الشرح لا سمح الله ولكن لقلة خبرتى تماما فى مجال البنوك والحسابات فانا عمرى ما دخلت بنك بصراحة وكل ما فهمته انه سوف يخصم منى مبلغ وانا بالطبع موافق ولكن كيف ارجوكم افيدونى
وفى النهايه لى طلب منكم وهو اكبر كم ممكن من هذه المواقع المضمونة طبعا فقد قرات فى اول مداخلة فى هذا المنتدى انكم سوف تقولون على 300 موقع ولكنى لم اجد فى الموقع الا القليل يمكن انا مدورتش كويس عشان كده ارجو وضع اكبر كم ممكن من المواقع
اخيرا لابد ان اكرر شكرى الكبير لكم واسفى لطول اسئلتى
منتظر ردك ان شاء الله
